Марий Элыште Кӱкшӧ технологий-влак чемпионатын регионысо йыжыҥыштыже сеҥыше-влакым увертареныт.
Нунын лӱмышт:
I –ше вер – Павел Новосёлов;
II-шо вер – Анатолий Игнатьев;
III –шо вер – Артём Мунин.
Рвезе-влак кумытынат Автодорожный техникумышто тунемыт. Икымше верым налше Павел Новосёлов Марий Элын чапшым Великий Новгород олаште эртыше чемпионатын финалыштыже аралаш тӱҥалеш.
«Палемдыман. Пытартыш ийлаште мемнан регионысо кыдалаш профессионал образованийым пуышо тӧнеж-влакын инфраструктурыш палынак вашталтын. Икмыняр кластерым почмылан кӧра специалист-влакым ямдылыме кӱкшытым нӧлталаш, паша рынкын йодмашыжлан келшышын туныкташ йӧным ыштен. Тидын дене огына серлаге. Кызыт Йошкар-Оласе строительный ден Марий радиомеханический техникумлаште ныл оралтым уэмден олмыктат. Пеҥгыдын ӱшанем, мемнан тунемме верлаште ыштыме базе самырык еҥ-влаклан шкем ончыкташ да ик эн йодмашан профессийлан тунемаш йӧным ыштат», – каласен Марий Элым вуйлатыше Юрий Зайцев.
Г.Кожевникова
Снимкыште: сеҥыше-влак Павел Новосёлов, Анатолший Игнатьев да Артём
Мунин.
Фотом Марий Эл Образований да науко министерствын соцкылысе лаштыкше гыч налме
