Марий Элыште «Образований» нацпроектым (тений гыч – «Молодёжь да йоча-влак») илышыш пуртымо жапыште йоча-влаклан ешартыш образованийым налаш 12476 верым ыштыме.
Эртыше кечылаште республикна мучко ешартыш образований ярминга эртен. Тушто тунемме вер-влак секций, кружок, студий дене палдарыше мероприятий-шамычым, тыгак оҥай мастер-классым, квестым, уста педагог-шамыч дене вашлиймашым эртареныт.
Ярмиҥгашке чылаже 118 образовательный организаций ден 7000 наре туныктышо ушнен, 126 площадке пашам ыштен.
Г.Кожевникова
Фотом Марий Эл Образований да науко министерствын соцкылысе лаштыкше гыч налме
