У тунемме ий вашеш регионым вуйлатыше Юрий Зайцев Марий Элыште Терроризм ваштареш комиссийын да Оперативный штабын еҥже-влак дене заседанийым эртарен.
Тушто республикысе тунемме верлаште терроризм лӱдыкшыдымылык дене кылдалтше йодышым каҥашеныт.
Марий Эл образований да науко министр Лариса Ревуцкаян увертарымыж почеш, чыла объектым тергыме, вашлиялтше ситыдымаш шотышто паша ышталтеш.
Кызытлан республикын чыла тунемме верыштыже лӱдыкшыдымылык паспортан да вучыдымо туткар нерген увертараш конпкан оролымо системе уло.
Вашлиймаште тыгак образований сферыште да самырык-влак коклаште терроризм ваштареш профилактикым эртарыме шотышто республикысе исполнительный кучемын органже-влакын пашаштым уэмден вияҥдыме дене кылдалтше ешартыш мерым ыштыме, тыгак топливо-энергетике объектлаште ты могырым тӱткышым ойырымо йодышым каҥашеныт.
Марий Эл Республикым вуйлатышын администрацийжын информаций паша пӧлкажын уверже негызеш Г.Кожевникова ямдылен.
