25-27 ноябрьыште республикыштына «Национальный театральный школ» сотемдарыш проектын образовательный резиденцийже эрта.
Ты мероприятий Россий Культур министервын, Культур инициативе президент фондын да Марий Эл правительствын полшымышт дене илышыш шыҥдаралтеш.
Тиде школын икымше мероприятийжым Александрийский театрын командыже Российысе национальный театр-влакын ассоциацийышт, поро кумылым ончыктымо «Александрийский» фонд да элысе кугу вуз-влак (СПбГУ, ГИТИС, РГИСИ) дене пырля тений июньышто эртараен. Кеҥежымсе театр школ Александрийский театрыш 9 регионысо национальный театр-влак деч художественно-постановочный ужашым вуйлатыше-шамычым ушен. Якутскышто эртаралтше Национальный театр-влакын икымше конгрессышкышт 150 утла участник погынен. Образовательный резиденцийым октябрьыште Махачкалаште, Казаньыште, Улан-Удэ да Уфаште эртаренна. Россий Культур министервын, Культур инициативе президент фондын полшымышт дене илышыш пуртымо проектна шуко национальностьян элыштына театр илышым вияҥден колташ ик эн кӱлешан манын ӱшанем, – палемден Александрийский театр вуйлатыше, проектын лидерже Сергей Емельянов.
Кум кечаш вашлиймаш ятыр регион гыч тӱвыра да сымыктыш аланыште тыршыше 40 наре самырык еҥым ушен. Нуным Санкт-Петербургысо кугыжаныш тетар ден Сцене искусство дене Россий кугыжаныш институтын ончыл эскпертше-влак туныктат. Проектын кажне участникшылан (иктешлымаш аттестацийым эртыше) квалификацийым нӧлтымыж нерген Санкт-Петербургысо кугыжаныш университетын «Основы менеджмента в современном национальном театре» программыж почеш дене кугыжаныш свидетельствым кучыктат.
«Точка кипения» коворкингыште деловой программыште Александрийский театрын вуйлатышыже, проектын лидерже Сергей Емельянов, ГИТИС-ын ректоржо Григорий Заславский дене вашмутланымаш лиеш.
Проектым 5 октябрьыште Дагестаныште пайремлын почыныт. Тиддеч вара образовательный резиденций Татарстаныште, Бурятийыште да Башкортостаныште эртен. 2022 ийыште Национальный театральный школ Коми ден Карелий республиклаште лийыт.
Проектын кокымшо тургымжо 2023 ий шыжым тӱҥалеш. Регионлаште йодмашым кунам налаш тӱҥалме нерген уверым проектын официальный группыштыжо муаш лиеш. Национальный театральный школыш тӱвыра да сымыктыш аланыште тыршыше 18-35 ияш ӱдыр-рвезе-влак ушнен кертыт.
А.Байкова
