Йошкар-Оласе общественный контрольын членышт, рӱдоласе администрацийын, лицейын еҥышт 11-ше №-ан лицейыште кабинет-влакым кузе ачаламымым ончен коштыныт.
Марий Эл вуйлатыше Юрий Зайцев регионыштына инфрастуктур дене кылдалтше да моло проектым илышыш шыҥдарымаште общественный контрольым кугемдаш кӱштен. Тений, мутлан, Йошкар-Оласе школлаште туныктымо класслам модернизироватлат. Тидлан федеральный бюджет гыч 21 милллион теҥгем ойыреныт.
11-ше №-ан лицейыште «Кванториумын» технопаркше ныл йогын дене пашам ышташ тӱҥалеш: физике, химий, биологий да робототехнике. Занятийлаш лицейын тунемшыже -шамыч гына огыл, вес школышто шинчымашым налше йоча-влакат коштын кертыт.
Общественный контрольын группыжын еҥже Александр Коморкин коллегыже Игорь Петухов дене пырля лицейыште ыштыме пашалан акым пуэныт.
