17 январьыште «Марий Эл» ден «Сурт-пече» газет-влаклан 2024 ийын икымше пелийжылан возалтше йолташна-влакын «Марий Эл» газет редакцийыш колтымо 217 квитанцийышт негызеш йӱлаш пуртымо лотерей модмашым эртарышна. Ушештарем, приз-шамычым редакцийын администрацийже ден пашаеҥже-влак ямдыленыт: кӧжӧ спонсорым муын, кӧжӧ – шке кӱшешыже, но чыланат – уло кумылын.
Ты гана тӱҥ приз – «Амарис» мебель салонын (вуйлатышыже –О.Б.Аптышева) 5000 теҥгеаш сертификатше – Морко районысо Кугу Шӱргӧ ялыште илыше Валентина Никифоровалан логалын. Газетым лудшо йолташна тудын дене ямде арверым налын але илыме вержылан келшыше мебельым заказатлен кертеш.
Моло приз нине лудшына-влаклан логалын:
озанлыкыште пайдаланыме ик пачке парняшан пиж – Р.Я.Хрисановалан (Кужэҥер район Эҥыжсола ял);
аккумуляторан шуруповерт (спонсоржо «Мастар мари» ООО-н генеральный директоржо Борис Апакаев) – Геннадий Поповлан (Марий Турек район Лоп ял);
шӱртӧ кӱпшан (махровый) простынь – Раиса Иркиналан (Башкортостан Республик Шаран район Уял);
салма – Людмила Алексеевалан (Шернур район Кугу Шокшем ял), Станислав Актугановлан (Морко район Усурт Вараҥыж ял), Анна Васильевалан (Морко район Тыгыде Морко ял);
пеледыш вазе – Нина Фурзиковалан (Советский район Кельмаксола ял);
сакыр ате – Маргарита Исаевалан (Параньга район Кугу Пумарий села);
кухньышто пайдаланыме ӱзгар набор – Аркадий Черновлан (Марий Турек район Марий Купто ял), Татьяна Лапиналан (Параньга район Кугу Пумарий села);
электрочайник – Любовь Малининалан (Параньга район Кугу Пумарий села);
кухньышто пайдаланыме корка-каструль – Лидия Макаровалан (Волжский район Купсола села);
Ю.Соловьевын «Эхо» книгаж ден салатнице – М.П.Романовалан (Шернур район Пӱнчерйымал ял), Зоя Микаковалан (Морко район Чопак ял), Людмила Ефимовалан (Морко район Шеҥше села);
кӱпчык – Лидия Ивановалан (У Торъял район Элеволко ял);
сувенир шотан муно ате – Николай Николаевлан (Морко район Никольский почиҥга ял);
кум литр мӱй – Ангелина Ивановалан (Морко район Семисола ял);
кӱэшташ формо – Аркадий Васеевлан (Шернур район Шолэҥер ял);
кӱмыж да дуршлаг набор – Раисия Ямбулатовалан (Шернур район Кукнур села);
изи понар – Иван Васильевлан (Морко район Канторъял);
ӱдырамашлан мончаште чийыме набор – Нина Кузьминалан (Кужэҥер район Шӱдымарий ял);
газет редакцийын книга наборжо – Валентин Алгаевлан (Шернур район Аҥанур ял), Галина Османовалан (У Торъял район Часамласола ял), Кристина Лихачевалан (У Торъял район Токтарсола ял), Галина Кузьминалан (Морко поселко), Галина Артемьевалан (Кужэҥер район Руш Шой села);
2024 ийлан пырдыжыш сакыме календарь – Геннадий Конаковлан (Шернур район Меке почиҥга ял), Нина Рукавишниковалан (Советский район Кукмарий ял);
вургемым аралыме бокс – Лидия Эскаевалан (Советский район Кукмарий ял);
ӱдырамаш калош ден «Марий Эл» блокнот – Лариса Ельмекеевалан (У Торъял район Пеледыш почиҥга ял);
вӱдым шавыме лейке – Елизавета Никифоровалан (Кужэҥер район Визымйыр ял);
оцинковатлыме мужыр ведра – Ираида Михеевалан (Советский район Кужмарий села);
корзиҥга – Зоя Богдановалан (Параньга район Элпанур ял).
Пагалыме лудшына-влак, лотерейым модылтымо гыч вияш эфирым (видеом) газетнан ВКонтакте соцкылысе сообществыштыжат ончен кертыда. Чаманен палемдаш кодеш, южо еҥ призшым пел, эсогыл ик ий жапыштат налын огыл, сандене нуным кызыт угыч модылташ логале.
Модылтымо чыла приз газет редакцийыштына кия. Нуным налаш толаш тарваныше кажне еҥлан сото телефон гыч +7 (836) 249-55-11 номеран телефон дене йыҥгырташ темлена. Адресна: Йошкар-Ола, СССР Вооруженный Вийын 70-ше идалыкше урем, 20.
Газетым лудшо таҥна-влак, шкат ужыда, марий изданий-шамычлан возалташ моткоч пайдале: ме, редакцийын пашаеҥже-влак, тендам тӱрлӧ вел гыч тӱрлӧ увер дене палдарыме деч посна эше тӱрлӧ пӧлек дене куандарена. Сандене налза, лудса «Марий Эл» ден «Сурт-пече» газет-шамычым!
М.ИВАНОВА
М.Скобелевын фотожо
