Лишыл жапыште Марий паркыште «Марий кечышот нерген легенде» у арт-объект лиеш.
Йошкар-Олаште эртыше «Марий калыкын легендыже-влак» пу гыч пӱчкедыше мастар-влакын фестиваль годым ыштыме скульптурышт тудын ужашыже лийыт. Композицийын рӱдышкыжӧ марий йӱланам аралыше «Тӱҥ онаеҥым» шогалтат. А тудын йыр скульптор-влакын конкурслан ыштме моло пашаштым вераҥдат. Чумыр композиций марий калыкын кечышотшо дене палдараш тӱҥалеш.
Ушештарен кодыман, марий калыкын кечышотшо теле деч вара пӱртӱсын помыжалтме пагытыште, 22 мартыште, тӱҥалеш. Кажне идалыкым иктаж-могай янлык, кайыквусо, моло чонан виктара. Оласе мэрийын увертарымыж почеш ончыкыжым у скульптур-влак ешаралташ тӱҥалыт.
Зороастрий календарь негызеш ышталтше марий кечышот 32 ий шуйна. Тений илышнам шурмаҥше виктара гын, вес идалык шыҥшальын лиеш.
Оласе администрацийын воткыл лаштыкше гыч налме
