Марий Эл вуйлатыше Юрий Зайцев Кужэҥер район вуйлатыше Сергей Сидоркин дене паша вашлиймашым эртарен.
Нуно районым социально-экономически вияҥдыме тӱҥ йодыш-влакым каҥашеныт. Посна тӱткышым образований сферылан ойыреныт. Йоча-шамычлан йӧнан условийым ыштышашлан южо илемлаште учреждений-влакым шотыш кондыман. Нине оралте-влакым республикын бюджетше кӱшеш, регионысо да федеральный проект ден программылашке ушнен, олмыкташ мутланен келшеныт.
Тыгак тазалыкым аралыме объектлам уэмдаш, тӱвыра учреждений-влаклан полшаш, корно инфраструктурым да илыме вер ден коммунал озанлыкым вияҥдаш кӱлмӧ дене кылдалтше йодыш-влакым тарватеныт.
– Чыла тидыже районышто илышым саемдышашлан моткоч кӱлешан. Ты шотышто верысе администраций дене ме мутланен келшен пашам ыштена, – палемден Марий Эл вуйлатыше Юрий Зайцев.
Марий Эл Республикым вуйлатышын пресс-службыжын уверже негызеш Любовь Камалетдинова ямдылен.
