Тўткыш иземшаш огыл
Марий Элыште Туныктышын да наставникын идалыкышт мучашке шуын. Тудым Россий Федерацийын президентше Владимир Путинын увертарен ыле. Погынымаште республикым вуйлатыше Юрий Зайцев 2023 ийыште шумо се‰ымаш, туныктымо пашаш шы‰дарыме у йєн да лукмо пунчал-влак нерген каласкален.
Марий Элын правительствыже федерал рўдерын полшымыж дене педагог-влаклан профессионал семын кушкашышт, илышыштым саемдышашлан чылажымат ыштен, палемден тудо.
™маште регион да муниципал кўкшытан тўжем утла мероприятийым эртарыме. Нунышт педагог ден наставник-влакым утларак чак чумыраш, профессионал шинчымашыштым, мастарлыкыштым у кўкшытыш нєлталаш йєным пуэн. Профессионал мастарлык шотышто грантан конкурсым да специальный премийым шукемдыме, нунын фондыштым кугемдыме.
1 сентябрь гыч пашадарын негызлан шотлалтше ставкыжым 15 процентлан кугемдыме. Тыге республикыште 10 тўжем наре туныктышын пашадарже кугемын.
Школьник-влакын интеллектуальный олимпиадыштышт округ кўкшытыштє се‰ышыш лекше ден призёр-влакым, тыгак Школьник-влакын всероссийский олимпиадыштышт регион кўкшытыштє се‰ышыш лекше-влакым ямдылыше педагог-влаклан 2023 ийыште икымше гана Марий Эл правительствын грантшым ыштыме.
Ялыште педагог пашаш икымше гана пурышо самырык специалист-влаклан полышым пуаш манын, республикын правительствыже ик гана пуалтше выплатым 2024 ий 1 январь гыч 300 тўжем те‰ге марте кугемден. Ола шотан посёлкылаште да ола округлаште 10 тўжемым тўлат.
Марий Элым вуйлатыше пытартышлан ойртемалтше педагог ден наставник-влаклан наградым кучыктен.
Марий Эл Республикым вуйлатышын администрацийжын информаций паша пєлкажын уверже негызеш П.Шакиров ямдылен
