Марий Эл вуйлатыше Юрий Зайцев Россий Федерацийыште регион-влакын вияҥмышт шотышто правительстве комиссийын президиумжын заседанийыштыже лийын. Тушто национальный да региональный проект-влакын шукталтмышт нерген каҥашеныт. Заседанийым Россий чоҥымо да илыме вер да коммунал озанлык министр Ирек Файзуллин вӱден. «Оласе йырвелым йӧнаным ыштымаш» федеральный проект дене келшышын, Марий Элыште график почеш палемдыме 92 кумдыкым: калык тӱшкан коштмо 55 верым да 37 кудывечым – тӱзатыме. 2023 ийыште эше 77 кумдыкым шотыш кондаш тӱҥалыт, нуным тӱзатышаш верч 4 тӱжем еҥ йӱклен.
Л.СЕМЕНОВА
Д.РЕЧКИНЫН фотожо
