26 февральыште Йошкар-Оласе Чарла Кремльыште Ӱярня арням мучашлыше йӱла пайрем лиеш.
Марий калыкын ик эн тошто пайремже годым телым ужатат да шошым вашлийыт. Куснылшо тиде пайрем Шорыкйол деч вара шым арня гыч пура. Тений тудым 20 гыч 26 февральыште палемдат.
Мероприятийым сӧрастараш Марий Элысе районла гыч веле огыл, кызытеш пошкудо кок кундем – Киров область, Татарстан Республик – гыч марий шӱлышан усталык коллектив-влак толшаш улыт. Кидпаша мастар-шамычын ярмиҥга-ончерышт лиеш. Марий калык кочкышымат тамлен ончаш йӧн лектеш. Поснак мелнам, вет тудо ты пайремын символжылан шотлалтеш. Ӱярня курык гыч мунчалташ, тӱрлӧ калык модыш дене модаш темлат. Маскайол, тӱшкан куржталме ечымат кондышо мастар-влак районла гыч лӱмын толыт. Ӱярня пайремыш толаш кумылан коллектив-влак ончылгоч mari-centr_konkurs@mail.ru электрон адресыш 15 февраль марте йодмашым колтышаш улыт
С.Носова
