Йошкар-Оласе калык-прикладной сымыктыш тоштер пелен «Шокшо чонан ӱдырамаш» оласе кидмастар-влаклан лӱман клубым ыштыме. Алефтина Федорован вуйлатымыж почеш тушко чумыргышо-шамыч специльный военный операций кышкарыште мобилизоватлалтше улшо салтак-влаклан меж носки ден пижергым пидыт.
— Тиде сомыллан кодшо ий ноябрь тылзе мучаште пижынна. — умылтара кидмастар. – Ты тӱшка дене арнялан кок гана погынена. Мобилизоватлалтше-влаклан мо кӱлеш гуманитарный полышым пуымо верыште пален налынам. Тыге ме нунылан, ынышт кылме манын, меж носки ден пижергым пидаш тӱҥалынна, а кӧ ок мошто – туныктена. Тидын деч посна шере кочкышымат ешарена, медикаментлан оксам погенна. Эн тӱҥжӧ – тек илыше да таза пӧртылыт.
Снимкыште: А.Кудрявцев, Н.Немцева, Л. Арбузова, Н.Михайлова,А.Федорова (вуйлатыше),Л.Калягина меж носким пидыт.
М.СКОБЕЛЕВ
Авторын фотожо
