Регион-влак кокласе тыгай лӱман краеведений конкурсым эше кодшо ий октябрьыште МарНИЯЛИИ увертарен ыле.
Тудо Россий Федерацийыште Науко да технологий идалыкын луияшыжлан да Педагог ден наставникын идалыкшылан пӧлеклалтын. Йодмашым пуымо жап эркын мучашке лишемеш. А тидым 15 ноябрь марте ыштен шуктыман.
Конкурсыш чыла тӱрлӧ образовательный учрежденийын тунемшыже, студентше-влак, тыгак марий калыкын тӱшкан илыме кундемлаж гычат ушнен кертыт.
Кум номинаций темлалтын:
- «Шочмо вер эн чевер» – шочмо кундемын историйже ден тпонимикыж дене реферат, кычалме-шымлыме паша-влак;
- «Йӧратыме вершӧр да калык ойпого» – шке кундемысе устный калык усталыклан (легенда, преданий, каласкалымаш, музыкальный фольклор да молат) пӧлеклалтше реферат, кычалме шымлыме паша-влак);
- «Нунын дене кугешнена» – шочмо кундемым шке паша да сеҥымаш дене чапландарыше еҥ-влак нерген реферат, кычалме-шымлыме паша-влак.
Конкурсын иктешлымашыже Марий тише кечым палемдыме годым лиеш.
С.Носова
