Республикысе СМИ-лаште журналист-влакын патриотизм шӱлышеш шуарыме темым сайын почын пуымылан пӧлеклалтше «Российын патриотшо» конкурсым иктешленыт.
Марла савыкталтше газет-влак коклаште «Марий Эл» газет редакцийнан пашаче коллективше «Россий геройжо-влак дене чаплана» номинацийыште сеҥышыш лектын. Тушко спецоперацийлан пӧлеклалтше спецвыпускнам темленна. Образований йодыш дене редактор Галина Кожевникова «Самырык Россий» номинацийыште ойыртемалтын.
Сеҥыше-влак радамыш тыгак «Край Сернурский» ден «Шернур вел», «Морко мланде», «Кугарня», «Юринский рабочий», «Вести», «Восход» редакцийлан журналистышт да «Марий Эл» ГТРК ден «Марий Эл Телерадио» ГАУК-ын корреспондентышт лектыныт.
Конкурсын оргкомитетыш чылаже 50 утла паша 28 йодмаш дене пурен. Нунын кокла гыч 18 сеҥышым палемденыт.
А.БАЙКОВА
Авторын фотожо
