Марий Эл гыч Запорожье областьын Куйбышев районыштыжо школ ден йочасадлаш пӧлекым колтеныт.
Республикын Образований да науко министерствыже шефствыш налме кундемлан тыгай полышым Шинчымаш кече вашеш ыштен. Запорожье областьын Куйбышев районыштыжо верланыше ныл йочасадлан да куд школлан пӧлек наборым погымо. Тушто икшыве-шамычылан уш-акылым вияҥдаш, кидым лывырташ конструктор да моло ӱстембал модыш-влак, а воспитатель ден туныктышо-шамычлан методический пособий, ноутбук улыт.
Икымше классыште тунемаш тӱҥалше-влак нергенат мондымо огыл: 66 йочалан канцеляр сату наборым ямдылыме.
Чыла тидын деч посна школ-влаклан 10 термометрым, 6 автомобиль да икымше полышым пуаш 10 аптечкым колтымо.
Г.Кожевникова
Фотом Марий Эл Образований да науко министерствын соцкылысе лаштыкше гыч налме.
