Руш православный черкын синодшын увертарыме «Православная инициатива – 2025» тӱнямбал кӱкшытан грант конкурс тӱҥалын.
Йодмашым 1 март марте пуаш лиеш. Тудын положенийже дене www.pravkonkurs.ru сайтыште палыме лийман.
Конкурсын грант фондшо 1миллионат 800 тӱжем теҥге марте шуэш. Йодмашым ныл направлений дене пуаш лиеш: образований да воспитаний, социальный служений, тӱвыра да увер.
Кугу Отечественный сарыште Сеҥымылан пӧлеклалтше «Победа в сердцах поколений» посна номинацийым палемдыме. Тудын дене келшышын, Отечествым аралыше-влак, сеҥымашке надырым пыштыше тӱрлӧ калык нерген уверым шараш полшышо проект-влакым темлыман.
Вес номинацийыш ешын да ача-аван авторитетыштым пеҥгыдемдаш, икшыве-влакын кӧргӧ чон поянлыкыштым кушташ полшышо проектлам темлаш лиеш.
«Духовная и наставническая помощь семьям участников СВО» посна номинаций СВО участник-влакын ешыштлан полышым пуымо дене кылдалтын. «Экологическое просвещение и воспитание» номинаций обществыште экологий культурым нӧлтымо дене кылдалтше проект-влакым возышо-шамычлан темлалтеш.
Конкурсыш ушнаш кумылан-влак ресурсный рӱдерыш тыгай адрес дене лектын кертыт: Вознесенский урем, 81, 310-шо кабинет, конкурсын республикыште координаторжо – Светлана Борисовна Поздеева, телефонжо: 89877097418, e-mail: psb1960@yandex.ru
Светлана Носова
