Марий Эл гыч студент «Профессионал-влак-2025» чемпионатыште ший медаль дене палемдалтын.
Тиде Марий радиомеханический техникумышто тунемше Марк Антонов. Тудо чемпионатыште «Оптоэлектроника» компетенцийыште моштымашым ончыктен. Мемнан студент да Сербий республик гыч конкурсант «Пайдале команде» команде дене у форматан таҥасымаште кокымшо верым сеҥен налыныт .
Калуга олаште эртыше чемпионатыште беспилотникым виктарыме дене кылдалтше компетенцийыште республикнан чапшым Йошкар-Оласе технологий колледжын студентше Никита Коротков арален.
Г.Кожевникова
Фотом Марий Эл Образований да науко министерствын соцкылысе лаштыкше гыч налме
