Айдеме коля йӱштымужо дене грызун логалме арвер але продукт гоч, тыгак тудын шондыжо да шуржо дене амыргыше южым шӱлен черлана.
Тыгай азап чӱчкыдынжӧ шошо тургым тӱҥалме, дачысе пӧртым шкем аралыде мушмо да сайын эрыктыдыме оралтыште кужурак жап улмо годым лиеда. Грызунын кошкышо шуржо дене амыргыше южым шӱлалтымылан кӧра верге палан коля йӱштымужо авалтен кертеш.
Коля-влак утларакше дачысе пӧртыштӧ, сарайыште, тор, руымо пушеҥге да вондер оралаште погынаш йӧратат.
Черланаш огыл манын:
- кеҥежым гына илыме пӧртым эрыкташ тӱҥалме деч ончыч ик шагат южтарыза. Вара маске ден перчаткым чийыза да чылажымат хлор негызан препарат (хлорамин, «Белизна», «Доместос», «Ника») дене сайын обработатлыза;
- коля шур коймо, шондо ӱпш шижалтме годым пӧрт кӧргым ида ӱшт, а ночко ластык дене йыген эрыктыза;
- тыгодым умша ден нерым ватке-марле повязке дене петырыза але респираторым чийыза. Пашалан пижме деч ончыч повязкым вӱд дене нӧртыза, кидыш резинке перчаткым чийыза;
- кӱмыж-совлам шолшо вӱд дене когартыза але хлор негызан препарат дене обработатлыза;
- вакшыш шартышым кечыште, савыркален-савыркален, икмыняр шагат коштыза;
- сурт коклаште, дачысе участкыште грызун-влакым чарныде пытарыза;
- кумдыкым кошкышо да йӧрлшӧ пушеҥге, шӱйшӧ кашка да моло куштыра деч эрыктыза, торым ида орале;
- кочкыш продуктым грызун пурен кертдыме пич петырыман йоҥгытышто кучыза;
- кочмо деч ончыч да тамакым шупшмо деч вара кидым шовын дене сайын мушса;
- сад-пакча пашам шуктымо годым шӱлымӧ органым ватке-марле повязке але респиратор полшымо дене аралыза. Тыгодым эше перчаткым чийыза, пашам пытарымеке, кидым шовын дене мушса.
Маргарита ИВАНОВА ямдылен.
Роспотребнадзорын фотожо.