21-22 июнь йӱдым Ойганен шарнымаш кечылан пӧлеклалтше «Шарнымаш сорта» акций эрташ тӱҥалеш.
Тудым «Сеҥымашын волонтёржо-влак» всероссийский мер толкын ямдыла да эртара. Тиде добровольческий организаций элыштына ик эн кугу. Тудо исторический шарнымашым арала, самырык тукымым шочмо элым йӧратыме шӱлышеш шуараш да кызытсе жаплан келшыше интерактивный формат гоч историйым шымлаш да тудын дене кумданрак палдараш полша. Толкын Российын 89 субъектше да 60 йотэл гыч ик миллион наре еҥым уша.
2015 ий гыч организаций Ойганен шарныме кечылан пӧлеклалтше мероприятий-влакым эртара. Тышке «Сарын тулан сӱретше-влак» тӱнямбал акцият пура. Тений тудын кышкарыште молгунамсе семынак «Шарнымаш сорта» акцият эртаралтеш. 21-22 июньысо йӱдым элнан субъектлаштыже да моло элыштат «Сар годым элнан (регионын) Сеҥымашыже да трагедийже-влак» теме дене кылдалтше, тул дене волгалтарыме сӱрет-влакым ончыкташ тӱҥалыт. Тыгак «Шарнымаш сортам» чыла вере чӱктат да шарныктыш-влак воктеке пеледыш аршашым пыштат.
Снимкыште: «Шарнымаш сорта» акций годым.
Михаил Скобелевын фотожо.
