УВЕР ЙОГЫН

Шӱгарлам тӱзатат

Тений «Йӧнан оласе средам ыштымаш» кугыжаныш программын кышкарыштыже Звенигово районысо Красногорский ола шотан илем кумдыкышто верланыше Кугу Шигак шӱгарлам тӱзатат.
Ӱмаште тиде программын полшымыж дене Кожласола ер сер ден Элнет посёлкышто Кооперативный уремысе 6-шо №-ан пӧртын кудывечыжым тӱзатыме. Чумыр пашалан 3690596,86 теҥгем кучылтмо.
Тений Красногорский посёлкышто Гагарин уремысе 5-ше №-ан пӧртын кудывечыжым да Кугу Шигак шӱгарласе мемориалым тӱзаташ палемдыме. Чоҥымо да монтаж пашам шукташ ойпидышым ыштыме. Чумыр пашам 3847758,12 теҥгеш аклыме. Мемориалыште корным опташ, кӱртньӧ пече ден калиткам вашталташ, лӱмегожым шындаш, клумбым олмыкташ, пушеҥгым эрыктен да сылнештарен пӱчкедаш палемдыме. Тӱҥ паша салтаклан шогалтыме памятникым олмыктымо да 30 мм кӱжгытан гранитыш лӱм-влакым возыман таблицым вераҥдыме дене кылдалтын.
Мемориалым тӱзатыме пашам тений 1 июль марте пытараш палемдыме.
                                                                                                                                                                                                      М.ИВАНОВА

Опубликовать в Одноклассники

Добавить комментарий