17 июньышто Йошкар-Олаште Россий кӱкшытан Пеледыш пайрем эрташ тӱҥалеш.
Мер Каҥаш кажне ийын тиде пайремлан «Шӱдӧ марий деч — шӱдӧ пӧлек» акцийым эртара. Йӱлаш пурышо сомылым теният умбакыже шуя.
Кӧ акцийыш ушнаш кумылан, пӧлекым але шийвундо полышым 14 июнь марте Мер Каҥашыш (Йошкар-Ола, Гагарин проспект, 8, 310-шо №-ан пӧлем) намиен кертеш.
Погымо надыр Пеледыш пайрем жапыште эртаралтше тӱрлӧ конкурсышто сеҥыше-влакым палемдаш кучылталтеш. Тидын годым тендан лӱмдат тушто йоҥгаш тӱҥалеш. Мер Каҥашын увертарымыж почеш, пайрем деч вара кӧ, мом, мыняр пуымо, пӧлек куш кайыме нерген отчёт лиеш. Лекше йодышым 42-45-53 телефон номер дене рашемден кертыда.
С.Носова
