6 мартыште Марий Эл вуйлатыше Юрий Зайцев 8 Мартлан пӧлеклалтше торжественный мероприятийыште лийын.
Тушко республикыштына тӱрлӧ профессиян, тӱрлӧ мер организацийыш ушнышо-влак – чылаже 100 наре ӱдырамаш – чумырген.
Мероприятийым Российысе ӱдырамаш-влакын ушемыштын регионысо отделенийжын председательже Нина Иванова почын да шушаш пайрем дене саламлен.
Тиде погынымаштак «Еш» национальный проект, тудын кӱлешлыкше нерген каласкаленыт. Тыгак Марий Элыште ты проектым илышыш пуртышаш министерстве-влак дене ойпидышым подписатленыт.
Республик вуйлатыше Юрий Зайцев палемдыме мероприятийым илышыш шыҥдарымаште кугу лектышыш шуаш тыланен да ӱдырамаш-влакым шушаш 8 Март дене саламлен.
– Те чыла сферыштат: здравоохраненийыште, наукышто, образованийыште, тӱвыраште, промышленностьышто, ялозанлыкыште, экономикыште, транспортышто да ятыр молыштат – аклаш лийдыме пайдам кондеда. Те кеч-могай профессий дене пашам ыштен кертыда да кажныштыже сеҥымашыш шуыда.
Посна тауштымо мутым специальный военный операцийын участникше-влакын авашт ден пелашыштлан ойлынем. Те эрыклан да патриотизмлан акым палыше сеҥыше-влак тукымым куштеда. Кеч-кунамат те пӧръеҥ-шамычым подвигым ышташ да сеҥымашлан кумылаҥдеда!» – каласен Юрий Зайцев.
Мероприятий ойыртематлше ӱдырамаш-влаклан кугыжаныш наградым кучыктымо дене мучашлалтын. Тудын дене 10 еҥ палемдалтын.
Марий Эл Республикым вуйлатышын пресс-службыжын уверже негызеш Любовь Камалетдинова ямдылен
