Сеҥымашке шунет – кӱлешан профессийым ойырен нал
Илышыште шонымашке шуаш манын, сай да кӱлешан образованийым налман. Тыгодым эреак йодмашан, тачысе илышлан келшен толшо специальностьым ойырыман. Тыгай-влак кокла гыч иктыже – «электрон компонент ден материал-влакын инжинирингышт» физике дене кылдалтше специальность.
Ойырен налме специальность ик профессий дене гына огыл кылдалтшаш, тыгак вес профессийланат тунемаш лийше шинчымашым пуышаш. Тидыже технологийын вашталтмыже да калыклан тӱрлӧ профессийын кӱлешан улмыжо дене кылдалтеш. Машиностроений, электрон промышленность, моло технологий нерген ойлаш гын, тушто веществан чоҥалтмыже да тӱрлӧ материальный объект-влакын вашкылышт нерген шинчымаш кӱлешанлан шотлалтыт. Тидым физикыште, химийыште, материаловеденийыште, икмыняр ужашыжым биологийыште тунемыт. Нуным сайын палыше айдеме кеч-могай технологий дене кӱчык жапыште пайдаланаш тунем шуэш.
Электрон инженерий
Цифр технологий институтын физике-математике факультетшын физике да материаловедений кафедрыштыже «Электрон компонент ден материал-влакын инжинирингышт» специальность дене кокымшо ий туныктат.
Тиде направлений МарГУ ден «Технотех» ООО коклаште ойпидышым ыштымылан да Российысе научно-шымлыше институт-влаклан, радиоэлектронный предприятий-шамычлан радиоэлектрон промышленность дене кылдалтше инженер-физик-влакым ямдылаш кӱлмылан кӧра почылтын.
Ойпидыш негызеш МарГУ-н Цифр технологий институтшын физике-математике факультетшын физике ден материаловедений кафедрыште кодшо ий сентябрь гыч «Технотех» ООО ден электрон промышленность дене кылдалтше моло предприятий-влаклан инженер-физик-влакым ямдылат.
Марий кугыжаныш университетыште тиде направлений дене тунем пытарыше выпускник-влакым «Технотех» ООО пашаш налеш. Ты предприятий Марий Элыште веле огыл, Российыштат электрон устройство ден печатный платым ыштен лукшо вӱдышӧ предприятийлан шотлалтеш.
Студент-влак ты предприятийыште практикым эртат. Вузым тунем пытарымеке, «Электрон компонент ден материал-влакын инжинирингышт» направлений дене дипломым налше, практикыште шкем сай велым ончыктышо выпускник-влакым тушко инженер-физик должностьыш налын кертыт. Ты предприятийыште инженер-физиклан сай пашадарым тӱлат, тӱрлӧ социальный льгото уло. Тыгак Полупроводник прибор-влак заводыш, Российысе микроэлектронный промышленностьын предприятийлашкыже, мутлан, «Микрон» АО-шко пашаш пурен кертыт.
«Технотех» ООО-н, «ЗПП» АО-н, «ММЗ» АО-н, республикысе моло предприятийын вияҥмыжлан кӧра Йошкар-Ола воктене Татарстанысе Иннополис гай Технопаркым чоҥаш шонат. МарГУ-н физике ден материаловедений кафедрже тиде Технопаркыште кугу сомылым ворандараш палемден. Тушто студент-физик-шамычат пашам ышташ тӱҥалыт.
Тений майыште МарГУ-што Российысе электрон промышленностьын предприятийже-влакын технологийыштым ямдылыме, нуным проектироватлыме шотышто Россий кӱкшытан икымше шанче-практике конференций эртаралтын. Физике ден материаловедений кафедрын пашаеҥже-влакын выступленийышт участник-влаклан моткоч келшен. Конференцийым ий еда эртарыме нерген мутланен келшеныт. Тиде студент, физик да материаловед-влак печатный платым, материалым, процессор-влакым ыштен лукмо, электронике тӱняште лийше событийла дене чак кылым кучышт манын ышталтеш.
Россий кӱкшыт
Кӱкшӧ квалификациян, физикым профессионал семын палыше кадр кеч-куштат йодмашан да шуко вере огеш сите. Тидланак кӧра МарГУ-н физике ден математике факультетше дене кадрым ямдылыме дене кылдалтше ойпидышым ыштыме шотышто «Технотех» ООО ден элнан рӱдоласе НИИ-же-влак деч йодмаш эре пура.
Шукерте огыл Молекулярный электроникын научно-исследовательский институтшын (НИИ МЭ) да «Микрон» АО-н пашаеҥже-влак факультетыш толын коштыныт. Нунын дене практикым да стажировкым эртыме шотышто направленийым пуымо, а варажым «Электрон компонент ден материал-влакын инжинирингышт» специальность дене тунем лекше выпускник-шамычым пашаш налме нерген ончылгоч кутырен келшыме. Тиде НИИ-ште самырык специалистлан тылзыште 150 тӱжем теҥгем тӱлат.
Физике ден материаловедений кафедрыште кӱкшӧ квалификациян ончыкылык специалистым ямдылат. Педагог-влак профессионал улыт. Физике ден математике наукын кок докторжо, кӱкшӧ квалификациян науко кандидат-влак туныктат. Кафедр пелен самырык-влаклан кок шанче лабораторий, «Центр теоретических основ моделирования наноструктурных объектов» рӱдер пашам ыштат, тыгак «Теоретический физике» ден «Физика конденсированного состояния» специальность дене докторантур ден аспирантур, а «Физика конденсированного состояния» специальность дене магистратур улыт.
Пытартыш ийлаште кафедрын пашаеҥже ден аспирантше-влак кок докторлык ден ныл кандидатлык диссертацийым араленыт. Кафедрын пашаеҥже-влак Российын вӱдышӧ научный журналлаштыже углеродысо наносистемым, мутлан, фуллереным да углеродный нанотрубкым, шымлымылан пӧлеклалтше статья-шамычым кажне ийын савыктат.
Тиде кафедрыште тунемше-влак физикын, математикын, программированийын тыгай лончыжо-влакым тунемыт:
– Общий ден экспериментальный физикым.
– Теоретический физикым.
– Конденсированный состоянийын физикыжым.
– Нанотехнологийын физический негызшым.
– Наночастицын компьютерный моделированийжым.
– Металл ден полупроводник-влакын электрон теорийыштым.
– Печатный плате-влакын производство: технологий ден процессым.
– Микроэлектроникын конструктивно-технологический негызшым.
– Электроникылан наноструктур-влакым моделироватлымашым.
Нине предметла дене сай шинчымашым налше выпускник промышленность ден наукын тӱрлӧ отрасльыштыже паша верым муын кертеш. Кафедрын направленийже дене тунемын пытарыше студент-шамыч кумда профилян специалист, физик-шымлызе лийыт, нанокугытан электронный строенийын объектше-влакын компьютерный моделированийышт дене кылдалтше сай шинчымашым налыт, Нине объектлан кӱлеш свойствым пуаш манын, нунын составыштым палаш тунемыт, тыгак программированийыште кӱкшӧ квалификациян специалистыш савырнат.
Палашда
«Электрон компонент ден материал-влакын инжинирингышт» профиль дене ямдылыше курсым сайын тунемын лекше выпускник, материалыште палемдыме организацийлаште, Марий Элысе да пошкудо регионласе предприятийлаште паша верыш пурен кертеш. Тыште нунылан физике ден материаловедений кафедр полша.
«Электрон компонент ден материал-влакын инжинирингышт» у направлений дене тунемаш пураш шонышо-влакым МарГУ-н физике ден математике факультетшын приемный комиссийыштыже вучат.
Комиссий тыгай адрес дене верланен: 424000, Марий Эл Республик, Йошкар-Ола, Ленин площадь, 1-ше №-ан пӧрт, 207-ше аудиторий.
Ешартыш уверым физике ден материаловедений кафедрын вуйлатышыже, профессор, физике ден математике науко доктор Геннадий Иванович Миронов (+7-902-670-09-83) ден ты кафедрынак профессоржо, физике ден математике науко доктор Аркадий Ислибаевич Мурзашев (+7-927-680-9836) деч пален налаш йӧн уло.
Йыҥгырташ кеч-могай жапыште лиеш.
Фотом МарГУ-н архивше гыч налме. Рекламе. ФГБОУ ВО «МарГУ»
29.01. 2016 ийысе 1903-шо №-ан Лицензий.
