Марий Эл вуйлатыше Юрий Зайцевын темлымыж почеш Йошкар- Олаште «Сеҥымаш почто» проект илышыш шыҥдаралтеш.
Тудын кышкарыште марий рӱдолаште илыше-влак СВО-што улшо военнослужащий-шамычлан полшаш шонен серышым возен кертыт. 26 июльышто «Мемнан геройна-влак» фотогалерей площадкыште, оласе рӱдӧ каныме паркыш пурымаште, тушко мийыше-влак дене пырля, тыгай серышым оласе социально кӱлешан проект-влакын координаторышт, «Россий почтын» республикысе филиалжым вуйлатыше Андрей Виногоров ден Алексей Фоминых тыгак СВО-што улшо салтак-шамычлан серышым возеныт.
«Сеҥымаш почто» проектын площадкыже кугарня еда 17 гыч 20 шагат марте, шуматкече ден рушарня еда 15 гыч 20 шагат марте пашам ышта. Серыш бланкымат туштак пуат.
Эше туштак икшыве-шамычлан 3D-ручка да трафарет полшымо талисманым ыштыме мастер-класс-влакым эртарат. Талисманжым шкаланат кодаш але СВО участниклан колташ йӧн лиеш.
Ушештарен кодыман, «Мемнан геройна-влак» фотогалерейым экран да сенсорный увер киоск дене пойдарыме. Киоскын интерактивный фотогалерейже СВО-што участвоватлыше салтак, волонтёр, мер пашаеҥ, гуманитар полышым шупшыктышо еҥ-влак, нунын наградышт дене палдара.
Ты площадкыштак чолга мер пашаеҥ-влак оласе калыкын ты але вес тургыжландарыше йодыш шотышто полышым йодмашыштым чумырат.
С.Носова
Снимкыште: «Сеҥымаш почто» площадкыште.
Фотом проектын лаштыкше гыч налме
