Йошкар-Олаште Кугу Сеҥымашын 80 ий теммыжлан пӧлеклалтше тул инсталляцийым В.И.Ленин лӱмеш площадьыште вераҥденыт.
Тыгак шукерте огыл Ната Бабушкинан сквержым декоративный тул диодан иллюминаций полшымо дене сӧрастареныт. Тылеч посна Пресвятой Дева Мариян площадьжыштыже, Марий Паркыште, Кокшайский проезд ден Строитель урем, Карл Либкнехт ден Лебедев уремла ушнымаште тул диодан илюминаций-шамыч лийыт.
Ленин проспектысе тул меҥгылашке, Комсомольский урем гыч Волков урем марте, тыгак Рӱдӧ кӱварыште тул диодан консольым пижыктат.
Михаил Скобелевын фотожо/ «Марий Эл» увер агентстве
