Марий Элыште Кугу Отечественный сарын 45 ветеранже Сеҥымаш кече вашеш выплатым налын.
Россий президент Владимир Путинын 2019 ий 24 апрельыште лукмо «Южо гражданлан Сеҥымаш кече вашеш ий еда тӱлыман окса выплат нерген» 186-шо №-ан указше дене келшышын, Кугу Отечественный сарын инвалидше ден участникше-шамыч Сеҥымаш кече вашеш 10 тӱжем теҥге кугытан окса выплатым налыт. Марий Элыште тудым апрельыште пенсий дене пырля пуымо.
Ик гана тӱлыман выплатлан йодмашым пуыман огыл, тудо Россий Федераций Социальный фондын Марий Элысе пӧлкажын распоряженийыштыже улшо документ-влак, ты шотыштак ведомство-шамыч кокласе кыл гоч налме увер, негызеш палемдалтеш.
Иканаште кок пенсийым: иктыжым – Россий Федерацийын Социальный фондшо гоч, весыжым – силовой ведомство-шамыч гоч – налше граждан-влаклан выплатым Российын Ушымо Социальный фондшо (ОСФР) гоч ыштыме.
Марий Элыште палемдыме выплатым 45 ветеран: Кугу Отечественный сарын 5 инвалидше ден 40 участникше – налын.
М.ИВАНОВА
Фотом интернет гыч налме
