Кугу Сеҥымашын 80 ияш лӱмгечыже вашеш «Газпром газораспределение Йошкар-Ола» ООО-н специалистше-влак «Курымашлык тул» мемориал комплекс-влакым терген лектыт.
Кажныштыже газ йӱлымӧ устройствым, тул ӱлымӧ кугытшым шотыш кондат, тор, пурак деч эрыктат. Нине пашам шуктымо годым «Курымашлык тул»-влак» жаплан кучылтмо горелке дене пашам ышташ тӱҥалыт.
Тачысе кечын Марий Элыште эре йӱлышӧ кум «Курымашлык тул» уло: Йошкар-Олаште, Чыкмаште да Волжскышто. 12 райрӱдыштӧ тыгай тулым шарнымаш мероприятийлам эртарыме годым чӱктат. 9 майлан тулым «Газпром газораспределение Йошкар-Ола» организацийын еҥже-влак газ баллон полшымо дене ылыжтат.
Мемориал комплекс-влакын мланде йымалысе газ пучыштым да газ оборудовнийыыштым кажне ийын тергат. Тыгак организацийын пашаеҥже-влак шарнымаш комплекс кумдыклам эрыктен тӱзатыме субботниклашкат ушнат.
Светлана Носова
Снимкыште: Йошкар-Оласе «Курымашлык тул «воктене
М.Скобелевын фотожо
