«КиВиН-2024» тӱнямбал конкурсышто Марий Элын чапшым Юлтехын сборныйжо арала
12-25 январьыште Сочиште КВН команде-влакын «КиВиН-2024» 35-ше юбилейный тӱнямбал фестивальышт эрта. Тушто 500 утла команде участвоватла, Марий Эл гыч – Юлтехын студентше ден выпускникше-влакым ушышо «НВПМЧ» командыже.
Икымше турлан куд кечым ойырымо. Тудым иктешлыме негызеш 2024 ийысе сезонлан виян команде-шамычын радамыштым рашемдыме. Юлтехын командыже Кугу рейтингым налын. Тидыже ӱдыр-рвезе-шамычлан сеҥышыш лекташ шонымо лиге-влакым ойырен налаш йӧным ышта.
М.ИВАНОВА
ПГТУ-н пресс-службыжын фотожо
