ОМС шотышто страховатлалтше граждан-влаклан Кугыжаныш услуго порталыште у сервис-шамыч дене пайдаланаш йӧным ыштыме.
Обязательный медицине страхованийын федеральный фондшо Кугыжаныш услугын единый порталыштыже ОМС шотышто страховатлалтше-шамычлан у сервис-влакым (https://www.ffoms.gov.ru/news/ffoms/zastrakhovannym-po-oms-stali-dostupny-novye-servisy-na-gosuslugakh/) пуртен.
– ОМС-ын у сервисше-влак Обязательный медицине страхований системын чыла участникше дене вашкылым палынак простаҥденыт. Да эн тӱҥжӧ, нуно страховатлалтше-шамычлан ОМС системым лишемденыт да чыла гаяк услугым тӱрлӧ инстанцийыш коштде налаш йӧным ыштеныт, – палемда ОМС-ын федеральный фондшын председательже Илья Баланин.
Электрон полисым кузе налаш?
Тидлан Кугыжаныш услуго порталыште пеҥгыдемдыме учётный запись гына кӱлеш.
Личный кабинетыште полисын номерже уже уло гын, цифровой документ автоматически ойыралтеш.
Полис уке гын, тудым электрон форматыште писынрак оформитлаш йодмашым (https://www.gosuslugi.ru/600770/1/form) пуыман.
Могай йӧн-влак улыт?
Личный кабинетыште полис нерген данный-влак, страховой компаний дене кыл да могай поликлиникыш пеҥгыдемдыме нерген увер эре лийыт.
У сервис-влак дене Кугыжаныш услуго порталын пеҥгыдемдыме учётный записян пользовательже-шамыч пайдаланен кертыт. Тыгак страховатлалтше-влак ОМС-ын федеральный фондшо деч уэмдыме данный-шамычым налашлан келшымыштым пуышаш да личностьым пеҥгыдемдыше документ нерген увер ден СНИЛС-ым вийыш пуртышаш улыт.
М.ИВАНОВА
Фотом интернет гыч налме
