Марий Элыште 9-ше классыште тунемше-влак руш йылме дене экзаменым кученыт.
Руш йылме – кыдалаш общий образованийым налме нерген аттестатым налаш обязательный предмет-влак кокла гыч иктыже. Тудын дене кажне ийын экзаменым эн шуко ӱдыр-рвезе куча, теният мемнан республикыште 8 тӱжем утла выпускник шинчымашым ончыктен.
Экзамен-влак регионын чыла муниципалитетын 67 пунктыштыжо эртеныт. Тунемше-влакын заданийым шуктымыштым 80 наре мер эскерыше ончен. Марий Элын образований да науко министрже экзаменым эртарыме ик пунктышто, Йошкар-Оласе 32-шо №-ан школышто, лийын.
Г.Кожевникова
Фотом Марйи Эл Образований да науко министерствын соцкылысе лаштыкше гыч налме.
