«МАРИЙ ЭЛ» ТАЧЕ

Российын рӱдолаж дене кыл пеҥгыдемеш

Москваште Марий Эл правительствын да Москва олан туризм шотышто комитетшын представительже-влакын пашаче вашлиймашышт эртен.

 

 

Марий Эл правительстве председательын икымше алмаштышыже Дмитрий Троицкийын вуйлатыме делегацийыште промышленность, экономике вияҥмаш да торговльо министр Владимир Халюзин, Йошкар-Ола мэрын пашажым жаплан шуктышо Антон Трудинов, «Марий Эл Республикын туризмым вияҥдыме агентстве» АНО-н директоржо Юлия Туманцева лийыныт. Москва олан Туризм комитетше велым Москва правительствым да мэрын аппаратшым вуйлатышын икымше алмаштышыже Евгений Козлов да «Москвасе туризм ден унам вашлиймашым вияҥдыме проект офис» АНО-н еҥже-влак лийыныт.
Каҥашыме тӱҥ йодыш элнан рӱдолаштыже республикынан турист куатшым социальный рекламе, тыгак RUSSPRASS цифран турист сервис полшымо дене кугурак мероприятийлаш ушнен толмо дене кылдалтын. Официал вашлиймаште ваш келшен пашам ыштыме шотышто ойым пидме.

 

 

Ушештарен кодыман, Йошкар-Олан 440 ияш лӱмгечыжлан Москваште «Зарядье» паркысе турист-увер рӱдерыште Йошкар-Олан кечылаже эртаралтыныт. Тунам кундемнан национальный ойыртемже дене палдареныт. Тидат республикыш толын каяш утларак туристым кумылаҥден.

 

Марий Эл вуйлатышын пресс-службыжын уверже негызеш Светлана Носова ямдылен.
Снимкыште: Йошкар-Оласе кӱртньыгорно вокзалыште
Авторын фотожо

Опубликовать в Одноклассники

Добавить комментарий