Москосо «Россий» национальный рӱдерыште «Российын кулинар йылмыжым тунемына» гастрономический марафон лийын. Тудо «Знание» обществын «Россия – семья семей» марафон кышкарыштыже эртаралтын.
Ты мероприятийыште Марий Элысе кок коллектив кундемнан унам ончен да тамле кочкышым ямдылен моштымыжым ончыктен. «Это по любви» ресторан группо ден «Море Лаптевых» акваферме калык кочкышын ямжым, пайдажым, тамжым сайынак пеҥгыдемденыт. Тидыже регионысо агротуризмым вияҥдымылан да кумдаҥдымылан кугу шӱкалтышым ышта.
📸 Марий Элысе Ялозанлык да продовольствий министерствын сайтше гыч налме фото.
