20-21 мартыште Марий кугыжаныш университетыште тӱнямбал кӱкшытан «Российысе калык-влакын йылмыштым цифраҥдымаш: опытым кумдаҥдымаш да ончыкыжым вияҥме корно» VI научно-практический конференций лиеш.
Тудо вузын тӱҥ корпусыштыжо (Ленин площадь, 1-ше №-ан пӧрт) 10.00 шагатлан почылтеш. Пленарный заседаний деч вара участник-влак секций еда пашам ыштат.
Конференцийын кокымшо кечынже «РУВИКИН волонтёржо кузе лияш?», «Марий йылмым да литератур уроклаште электрон тунемме ресурс дене пайдалынаш» да моло теме дене мастер-класс-шамыч лийыт.
Г.Кожевникова
