9-14 июльышто тунемме да тренировкым эртарыме «Пӱнчер» базыште келшен илыше кок кугыжанышын – Российын да Беларусьын – турист слётышт лиеш.
Тушто элнан 30 субъектше да Беларусь гыч 500 утла тунемше погына, нуно команде дене таҥасаш тӱҥалыт. Команде-влакым ойырымо паша эртыше тунемме идалык мучко ышталтын. Тыге слётышто спорт ориентирований, пешеход дистанцийлаште спорт туризм дене, тыгак краеведений конкурсышто, турист газетым ямдылыме да моло шотышто моштымашым регион кӱкшытан мероприятийыште сеҥышыш але призёр радамыш лекше-влак ончыктат.
Г.Кожевникова
Фотом Марий Эл Образований да науко министерствын соцкылысе лаштыкше гыч налме
