Республиканский клинический онкологический диспансерыште радионуклидный диагностике отделенийым ыштыме.
Отделенийым ыштышашлан 2020-2023 ийлаште федеральный ден республиканский бюджетла да Обязательный медицине страхований фонд гыч 110 миллион наре теҥгем ойырымо. Ты суммо гыч 13 миллион наре теҥгежым олмыктымо пашалан кучылтмо, 95 миллион утла теҥгежым – медицине оборудованийым налаш. Радионуклидный диагностике отделений кечыште 12-16 пациентым приниматлен кертеш.
«Отделенийыште айдеме организмын чыла гаяк органже ден системыжым функциональный кӱкшытыштӧ шымлаш йӧным ыштыме. Тидыже онкологий черым рашемдыме шотышто диагностике пашан качествыжым палынак саемда. Диагностике келшыше эмлыме радамым ышташ полша. Тиде объект республиклан моткоч кӱлешан. Онкологий чер нерген мут лекмеке, ончыл верыште – жапыштыже ыштыме диагностике. Онкологийым вияҥаш тӱҥалме йыжыҥыште рашемдаш гын, пациентын илышыжым арален кодаш кугу ӱшан уло», – у отделенийыште медицине оборудованийым ончымыж годым манын Марий Элым вуйлатыше Юрий Зайцев.
Радионуклидный отделенийым почмо дене Марий Элыште илыше калык информативный манме шымлымашым, республик деч ӧрдыжкӧ лекде, ОМС-ын полисше дене яра эртен кертеш.
Лицензийым налмыж деч вара отделений пациент-влакым принматлаш тӱҥалеш веле.
Марий Эл Республикым вуйлатышын пресс-службыжын уверже негызеш М.ИВАНОВА ямдылен
