Тений Социальный обслуживаний аланыште россий кӱкшытан профессиональный мастарлык конкурсын регионысо йыжыҥжын 13 номинацийыштыже 53 еҥ участвоватлен.
Тиде конкурс калыклан социальный полышым пуымо пашаште у йӧн-влакым кучылтшо специалист-влакым иквереш ушымо да палемдыме дене кылдалтын.
Конкурсын регионысо йыжыҥыштыже 13 участник сеҥышыш лектын:
- «Йочан, ты шотыштак начар тазалыкан да инвалид икшыван, еш-влаклан комплексно полшымо эн сай практике» номинацийыште – Начар тазалыкан йоча ден подростко-влаклан Йошкар-Оласе реабилитационный рӱдерын туныктышо-дефектологшо Марина Александровна Ефимова;
- «Шуко йочан еш-влаклан социальный услугым ыштыме эн сай практике» номинацийыште – Марий Турек районышто Калыкым социально обслуживатлыме комплексный рӱдерын граждан-шамычым социально обслуживатлыме пӧлкажын вуйлатышыже Людмила Васильевна Алексеева;
- «Самырык да студент еш-влаклан социальный услугым ыштыме эн сай практике» номинацийыште – Медведево районышто Калыкым социально обслуживатлыме комплексный рӱдерын граждан-шамычым социально обслуживатлыме пӧлкажын вуйлатышыже Мария Александровна Захарова;
- «Инвалид-влаклан социальный реабилитаций да абилитаций шотышто эн сай практике» номинацийыште – «Солнышко» йоча интернат-пӧртын адаптивный физкультур шотышто инструкторжо Олеся Станиславовна Павлова;
- «Социальный обслуживанийын стационар организацийлаштыже волонтёр ден кугыжаныш огыл организаций-влак дене пырля системный пашам ыштыме эн сай практике» номинацийыште – Тулык да ача-ава ончымо деч посна кодшо йоча-влаклан Волжский рӱдерын директоржо Татьяна Александровна Захарова;
- «Ял ден тора илемлаште социальный услугым ыштыме эн сай практике» номинацийыште – Килемар районышто Калыкым социально обслуживатлыме комплексный рӱдерын директоржо Светлана Леонидовна Токарева;
- «Наркоманий дене черле-влаклан социальный реабилитаций шотышто эн сай практике» номинацийыште – Калыклан психолого-педагогический полышым пуымо «Доверие» республиканский рӱдерын педагог-психологшо Лилия Нурисламовна Нуреева;
- «Добровольческий организацийын (волонтёр-влакын) социальный обслуживаний аланыште илышыш пуртымо эн сай проектше» номинацийыште – Юрино районышто Калыкым социально обслуживатлыме комплексный рӱдерын социальный паша шотышто специалистше Лариса Михайловна Кондрашова;
- «Профессийыште уым да пайдалым пуртымылан, кужу жап пашам ыштымылан» специальный номинацийыште – Козьмодемьянск олаште Калыкым социально обслуживатлыме комплексный рӱдерын социальный пашаеҥже Ольга Геннадьевна Брутова;
- «Идалыкыште уым почмаш» специальный номинацийыште – Шоя-Кузнецово интернат-пӧртын кугурак медсестраже Надежда Анатолиевна Михайлова;
- «Пеҥгыдылык да качестве (мӧҥгыштӧ)» специальный номинацийыште – Волжский районышто Калыкым социально обслуживатлыме комплексный рӱдерын социальный пашаеҥже Эльвира Аркадьевна Ильина (снимкыште);
- «Пеҥгыдылык да качестве (стационарыште)» специальный номинацийыште – Красногорский интернат-пӧртын директоржо Алия Салаватовна Мухаметзянова;
- «Идалыкын сеҥымашыже» специальный номинацийыште – ийготыш шудымо-влаклан Морко социально-реабилитационный рӱдерын директоржо Людмила Николаевна Егорова.
Сеҥыше-шамычым шокшын саламлена да конкурсын россий кӱкшытан йыжыҥыштыжат эн сай-влак коклашке логалаш тыланена.
М.ИВАНОВА
К.Степановын фотожо/ «Марий Эл» увер агентстве