Пытартыш вич ийыште Российыште «Агростартап» программе почеш 9 тӱжем наре фермер озанлыкым почмо.
Россий ялозанлык министерствын ял кундем-влакым вияҥдыме департамент директорын алмаштышыже Рената Бибарсован ойлымыж почеш, тидлан кӧра 15,5 тӱжем паша верым ыштыме.
«Федерал проект дене келшышын, 2019-2024 ийлаште 9 тӱжем наре фермер озанлыкым почмо, 3 тӱжем утла кооператив кугыжаныш полышым налын», – каласен Россий Госсоветын «яозанлык» направлений дене комиссийжын заседанийыштыже Рената Бибарсова.
2025 ийыште «Агростартап» грантлан 4,2 миллиард теҥгем ойыраш палемдыме. Тудым 1,1 тӱжем утла озанлык налшаш. Ялозанлык кооператив-влаклан 2,3 миллиард теҥгем колташ лийме, тудым 675 кооперативлан пуат.
Марий Элын Ялозанлык министерствыжын коллегийыштыже отрасльын вияҥмыжым иктешлыме. Тушто кокла кугытан бизнес дене пырля изи форман озанлык-влакын ужашышт утларак ешаралтеш манын палемдыме. Фермер озанлык-влакын чумыр продукцийым ыштен налме ужашышт 2019 ийыште 4 процент лийын гын, 2024 ийыште – 7 процент. Тидлан 2019-2024 ийлаште «Агростартап» программе почеш шӧр озанлыкым вияҥдаш, пакчасаскам да пареҥгым ончен кушташ 163 миллион теҥгеаш 53 грантым пуымат полшен. Кызыт изи бизнес 23 процент пареҥгым да 49 процент пакчасаскам изи бизнес ончен кушта. Тыге республикна пареҥгым шкаланже 144 процентлан, пакчасаскам 143 процентлан ситара.
Тидын деч посна ялозанлык потребительский кооператив-влаклан техникым да оборудованийым налмышт годым 134 миллион теҥге кугыжаныш полыш ойыралтын. 2025 ийыште 88 миллион теҥге тыгай полыш палемдалтын.
Россий ялозанлык министерствын ял кундем-влакым вияҥдыме департамент директорын алмаштышыже Рената Бибарсован ойлымыж почеш, тидлан кӧра 15,5 тӱжем паша верым ыштыме.
«Федерал проект дене келшышын, 2019-2024 ийлаште 9 тӱжем наре фермер озанлыкым почмо, 3 тӱжем утла кооператив кугыжаныш полышым налын», – каласен Россий Госсоветын «яозанлык» направлений дене комиссийжын заседанийыштыже Рената Бибарсова.
2025 ийыште «Агростартап» грантлан 4,2 миллиард теҥгем ойыраш палемдыме. Тудым 1,1 тӱжем утла озанлык налшаш. Ялозанлык кооператив-влаклан 2,3 миллиард теҥгем колташ лийме, тудым 675 кооперативлан пуат.
Марий Элын Ялозанлык министерствыжын коллегийыштыже отрасльын вияҥмыжым иктешлыме. Тушто кокла кугытан бизнес дене пырля изи форман озанлык-влакын ужашышт утларак ешаралтеш манын палемдыме. Фермер озанлык-влакын чумыр продукцийым ыштен налме ужашышт 2019 ийыште 4 процент лийын гын, 2024 ийыште – 7 процент. Тидлан 2019-2024 ийлаште «Агростартап» программе почеш шӧр озанлыкым вияҥдаш, пакчасаскам да пареҥгым ончен кушташ 163 миллион теҥгеаш 53 грантым пуымат полшен. Кызыт изи бизнес 23 процент пареҥгым да 49 процент пакчасаскам изи бизнес ончен кушта. Тыге республикна пареҥгым шкаланже 144 процентлан, пакчасаскам 143 процентлан ситара.
Тидын деч посна ялозанлык потребительский кооператив-влаклан техникым да оборудованийым налмышт годым 134 миллион теҥге кугыжаныш полыш ойыралтын. 2025 ийыште 88 миллион теҥге тыгай полыш палемдалтын.
