Марий Элыште у чодырам шындышашлык материал ситышын лийже манын, октябрь мучаш гыч пӱнчӧ ден кож пӱгыльмым поген коштымо пашам тӱҥалыныт.
Пӱгыльмым коштышо оборудованийже Марий Элыште «Лесхоз» ден Звенигово районысо «Зениговолес» ООО-лаште улыт. Эн кугурак ужашыжым Шернурышто коштат. Марий Элын Чодыра планыштыже палемдыме почеш, у чодырам шындышашлык нӧшмӧ материалым ыштымаш целевой показателльлан шотлалтеш. Нӧшмым ямдылыме пашам Пӱртӱс поянлык, экологий да йырым- йырысе средам аралыме шотышто министерстве конторльышто куча.
Светлана Носова
Авторын фотожо
