«Уло еш дене» проектыш ушнышо-влакын чотышт кече гыч кечыш ешаралтеш.
Марий Эл гычат чолга еш-влак темлыме заданий-влакым кумылын шуктат да нуным кузе ыштымыштым ончыктышо фотографий-влакым ВКонтакте але Одноклассники соцкыллаште #всейсемьей#всейсемьей12 хештег-влак дене вераҥдат.
Теат тиде проектыш ушнен, «всейсемьей.рф» сайтыш пурен, заданий-влакым ыштен да промежуточный манме розыгрышлаште пиалдам терген кертыда.
Марий Элыште проектын эн чолга участникше-влак коклаште тудо 27 февральыште лиеш. Сеҥышыш лекше-влак театрыш, ончерыш, катокыш але бассейныш абонементым модын налын кертыт.
Л.Камалетдинова
