КУЧЕМЫШТЕ УВЕР ЙОГЫН

Опорный илемла – илышым саемдымаште у йӧн

Марий Элыште 15 опорный населённый пунктым палемдыме.

Нуно тыгай категорийлашке пуреныт: Медведево посёлко – вияҥме (кушмо) у точко; Йошкар-Ола – РФ субъект-влакын ола агломерацийышт да административный рӱдерышт; Волжск, Козьмодемьянск, Звенигово олала, Килемар, Кужэҥер, Марий Турек, Морко, У Торъял, Оршанке, Параньга, Шернур, Советский, Юрино ола шотан посёлко-влак – моло илемла категорийыш. Шукерте огыл увертарыме «Илышлан кӱлешан инфраструктуро» нацпроект дене келшышын, социальный, илыме вер да коммунальный, тыгак транспорт инфраструктуро утларак писын вияҥаш тӱҥалеш. Чыла тидыже калыкын илышыжым саемдымашке виктаралтын да регонын экономикыжлан вияҥашыже утларак келшыше йӧн-влакым  ышта.

Тиде йодышым РФ правительстве председательын вуйлатымыж почеш эртаралтше стратегический сессийыште каҥашеныт, тушко Марий Эл вуйлатыше Юрий Зайцеват ушнен.

Премьер-министр регион-влаклан полышым пуышо программе-влак нерген каласкален, Российын кумдыкшым вияҥдыме стратегий тений идалык мучаш марте пеҥгыдемдалтеш манын палемден. Документ россиян-влакын илыш условийыштым, нуно кеч-кушто илышт, саемдымашке виктаралтын.

«Иканаште шуко направлений дене – оласе средам да социальный сферым саемдыме деч  тӱҥалын, транспорт да промышленность инфраструктуро-влакым кумдаҥдыме, тыгак электрогенерацийым, сетевой озанлыкым жапыштыже уэмдыме, ӱшанле связь линийым ситарымаш марте – пашам ыштыман», – каласен Россий правительстве председатель.

Россий президент Владимир Путинын кӱштымыж почеш опорный населенный пункт-влакым уэмдыме единый стандарт ышталтеш, ола-влакым вияҥдыме шотышто мастер-план-влак ямдылалтыт да илышыш шыҥдаралтыт.

 

Марий Эл Республикым вуйлатышын пресс-службыжын уверже негызеш

Лидия СЕМЕНОВА ямдылен

 

Опубликовать в Одноклассники

Добавить комментарий