Оперативный совещанийыште Марий Эл вуйлатышын пашажым жаплан шуктышо Юрий Зайцев еҥ-влакын диспансеризацийым эртыме йодышлан посна кугу тӱткышым ойыраш задачым шынден.
«Тазалык кечын, йӧн уло гын, скринигым ышташ кӱлеш. Вес вариант уке. Онкологий черым тӱҥалтыштак пален налман», – каласен тудо.
Республикын Тазалык аралтыш министрже Марина Панькован мутшо почеш, вӱргорно дене кылдалтше чер деч вара онкологий дене колымаш кокымшо верыште шога. 2021 ийыште черым пален налме показатель Российысе деч изирак. Докладыште каласыме, республикыште коваште – 14%, шӧр ту – 11,7%, пуалме чер, ӱдырамаш орган рак –9,4%, кукшылогар, бронх-влак, шодо – 9,9%, пагар – 7,3 %, предстательный ту – 6,1% колоректальный рак – 13,8%, моло верла – 27,8% рак утларак палдыранат.
Марий Эл Республикым вуйлатышын организаций да аналитике виктемжын уверже негызеш Л.СЕМЕНОВА ямдылен
(Тичмаш уверым 2022 ий 26 августышто лекше газетыште лудса)
