Марий Эл вуйлатыше Юрий Зайцев Самырык-влаклан Олык Ипай лӱмеш Марий Эл кугыжаныш премийым 2023-2024 ийлаште ыштыме пашалан пуымо нерген кӱштымашым подписатлен. Документым регионым вуйлатышын сайтыштыже вераҥдыме.
Литератур, искусство да архитектурышто паша дене ойыртемалтмылан премийым пуэныт:
— Г.Константинов лӱмеш руш академический драме театрын артистше-влак Антон Бариновлан, Ярослав Ефремовлан, Даниил Желудковлан, Алла Новоселовалан, Татьяна Милютиналан «Рядовые» спектакль-драмыште модмылан;
— художественный редактор, «Кече-Солнышко» журналын фотокорреспондентше Кристина Архиповалан «Бардаклюши знают, чем заняться» (повесть-йомак), «Бардаклюши в поисках Деда Мороза» (повесть-йомак), «Лиза и Роня» (книга-чиялтыш) литературно-художественный изданийже-влаклан;
— кинорежиссёр Андрей Огородниковлан «Евсеев: признание ценою в жизнь» кӱчык метражан документальный модмо фильмлан;
— калык куштымо ансамбльын вуйлатышыже Светлана Чернышовалан «Ромашки» калык куштышо ансамбльын концерт пашажлан;
— Йошкар-Оласе художественный училищын преподавательже Иван Станлан скульптурым ыштымыжлан жа живопись пашажлан.
Шанче, техник пашаште да производствышто кугу кӱкшытыш шумылан:
— «Марий машиностроительный завод» акционер ушемын «Коралл» научно-технический рӱдерын инженер-конструкторжо Дамир Файзрахмановлан гидравликын писын ушаш -кудашаш лийше соединенийлан документ комплектым ямдылымылан;
— «Мета-хром» научно-производственный фирмын коллектившылан ( промышленный оборудованийын инженер-конструкторжо Мария Соловьева ден инженер-электронщик-программист Иван Шестаков) углеродын оксидшын индексшым шотлен лукшо установкым шонен лукмылан да тудым илышыш пуртымылан:
— МарГУ-н шыл да шӧр продукт кафедрын доцентше Надежда Кузьминалан чывиге-бройлерын шылжын качествыжым саемдыше «Дигидрокверцетин» антиксидантан корма ешартышым кучылтмо шотышто шанче-практике негызшылан;
— МарГУ-н печатный платым ямдылыше, разрабатыватлыше, технике инспекийым ыштыше научно-исследовательский лабораторийын изирак шанче пашаеҥже, аспирант, керамике изделий-влакым конструироватлыме да ямдылыме базовый кафедрын преподавательже Александра Авериналан плазмохимический метод полшымо дене активироватлыме печатный платын ӱмбалжын адгезионный ден электрокинетический свойствыжым шымлымылан;
— Юлтехын разработчикше-влак Никита Анисимовлан да Илье Анисимовлан «Кобра» инъекторын устройствыжым модернизироватлымыжлан.
Мер да социальный кӱлешан пашам ойыртемалтшын шуктымылан:
— Марий Эл Республикысе Калык усталык да тӱвыра ден каныме паша шотышто шанче-методике рӱдерын калыкле тӱвыра-влак пӧлкам вуйлатыше Максим Алгайкинлан «Живи, село мое родное» проектым илышыш шыҥдарымылан;
— Марий Элын Йӱдвел коштмаш дене федерацийын президентше Татьяна Рыбаковалан «Тренажерный зал под открытым небом», «Час ходьбы со звездой» социальный проект-влакым илышыш шыҥдарымылан, «Йошкин КотоХод» йӱдвел коштмаш ден куржталме ден еш фестивальым , «#ПАЛКИДЛЯЖИЗНИ» йӱдвел коштмаш, куржталмаш, таза илыш-йӱлам кучымо ден фестивальым ямдылыман;
— «Волонтёр-медик-влак» всероссийский мер толкынын регионысо пӧлкажын грант паша шотышто специалистше Ландыш Габдулвалеевалан «ОнкоПатруль!12» проектым илышыш шыҥдарымылан;
— Юлтехын «Проектирование зданий» кафедрын кугурак преподавательже Андрей Ивановлан «Школа мечты» мер-сотемдарыме федеральный проектым Марий Эл Республикыште илышыш шыҥдарымылан;
— Йошкар-Оласе 27-ше №-ан кыдалаш школышто истори й предметым туныктышо Ксения Белынцевалан « Тӱвыран волонтержо-влак» всероссийский мер толкынышто пашам ыштымыжлан;
