Россий Минстрой 2023 ийысе ола йырвелын (средан) качествыжын индексшым иктешлен.
Йырым-йыр средан качествыже могай улмо 36 тӱрлӧ индикатор почеш аклалтеш, тыге индекс лектеш. Тышеч кудытшо эн кӱлешан: тиде – илыме вер, общественно-деловой да социально-каныме инфрастурктур да тудын пелен улшо верла, ужар кумдык, урем-влак да чумыр ола кӧргӧ.
Марий Эл чыла шотыштат йӧнан улмышт дене 100% показательыш шушо ола-влакан 9 регион радамыш пурен.
2023 ийыште Марий Элыште качествым ончыктышо чыла индикаторжат кушкын, индексше 210 баллыш шуын. Волжскым икымше гана йӧнан олалан шотленыт.
Тыгай сай лектышыш шуаш «Илыме вер да оласе среда» нацпроектын «Оласе средам йӧнаным ыштымаш» федеральный проектше полшен.
Ола йырвелын качествыжын индексшым 1117 олам шотыш налын иктешлыме, тышеч 759 ола еҥ-влаклан илаш йӧнанлан шотлалтеш. Планыште палемдыме почеш, 2023 ийыште кокла значенийже 198 балл лийын гын, тудо 200 баллыш шуын.
Марий Эл Республикым вуйлатышын
пресс-службыжын уверже почеш
Л.СЕМЕНОВА ямдылен
