29 ноябрьыште ВДНХ-се выставкыште Марий Элын кечылажым эртарыме кышкарыште Марий Эл Республикым вуйлатыше Юрий Зайцев ден Ульяновск областьын губернаторжо Алексей Русских «Юлын кокла йогынжо – Каспий теҥыз – Персидский залив» торгово логистический канал проектым илышыш шыҥдарыме нерген ойпидышым пеҥгыдемденыт.
Тиде логистике проект «Йӱдвел – Кечывалвел» тӱнямбал транспорт коридорын ойыраш лийдыме ужашыжлан шотлалтеш да погынышо грузым Юлын кокла йогынысо кундемлаштыже, тыгак Юл воктенсе регинласе да Российын европейский ужашыштыже улшо портовый терминала гыч Каспий теҥыз дек да умбакыже Персидский залив ден Индий марте намиен шукташ корным почеш.
Тиде маршрутым почмо паша «Изи ден кокла кугытан предпринимательстве да предпринимательский инициативылан полыш» ден «Тӱнямбал коопераций да экспорт» нацпроект-влакым шуктен толмо кышкарыште шукталтеш.
Тыгак Марий Эл Республикын правительствыже ден «Россий Федерацийын Правительствыж пеленысе аналитический рӱдер» автономный коммерческий огыл организаций коклаште «Пырля пашам ыштыме да информационный кылым кучымо нерген» ойпидышым ыштыме.
Ойпидышеш кидым пыштымаште Россий Правительстве Председательын алмаштышыже Дмитрий Чернышенко ден Россий Президентын ПФО-со полномочный представительже Игорь Комаров лийыныт.
Дмитрий Чернышенко ойлымыж годым РФ Правительствын Координационный рӱдерже (КЦ) кугыжанын управленийын ик эн пайдале инструментшылан шотлалтеш манын палемден. КЦ-н пашам ыштыме шотышто погынышо опытшо дене вараже субъект-влак палдаралтыт, тачысе кечылан тыгай Кординационный рӱдерым Тула, Оренбург да Белгород областьлаште, тыгак Адыгей Республикыште ыштыме.
«Правительствын Координационный рӱдерже регион-влакым кугыжаныш управлений шотышто ончыл методике, технологий да цифровой йӧн-влак дене умбакыжат палдарен шогаш тӱҥалеш. Тӱшка цельыш шумашке – Российыште илыше чыла еҥын интересше лӱмеш утларак пайдалын пашаш ыштымашке ме пыля каяш тӱҥалына»,- каласен вице-премьер.
Аналитический рӱдер координационный рӱдерым вияҥдымаште правительствылан методологический полышым ыштыме ойпидыш дене келшышын пуэн шогаш тӱҥалеш.
Марий Эл Республикым вуйлатыше Юрий Зайцев тылеч посна Чуваш Республикым вуйлатышын да Саратов областьын правительствыжын координационный рӱдерыштым почмаште лийын.
Марий Эл Республикым вуйлатышын администрацийжын информаций паша пӧлкажын уверже негызеш П.Шакиров ямдылен
Д.РЕЧКИНЫН фотожо
