27-30 августышто Йошкар-Олаште «И КРАТКАЯ» III кинофестиваль эрташ тӱҥалеш.
Тений организатор-влак Российын тӱрлӧ регионжо гыч 500 утла йодмашым налыныт. Тӱҥ конкурсыш ныл категорийыште 31 паша пурен: модмо, документальный, анимационный кино да «пеш кӱчык кино».
Фестивальыш мийыше-влакым туныктымо программе, мастер-класс, россий кинематографийын вӱдышӧ еҥже-влак ден творческий вашлиймаш вуча.
Мероприятий 27 августышто 18 шагатлан почылтеш. Торжественный церемоний деч вара Денис Шаблийын тений кеҥежым войзымо «Чумбылат» фильмжым, а 28-29 августышто конкурсыш ушнышо фильм-влакым ончыктат.
