УВЕР ЙОГЫН

Мыскара шӱлышан пайрем

12-23 январьыште Сочи олаште КВН команде-влак кокласе 33-шо тӱнямбал телымсе фестиваль эртен. Марий Эл гыч ты мероприятийыш Юл кундем кугыжаныш технологий университетын «НВПМЧ» командыже миен коштын.

Сценыш лекме – кеч-кунамат кугу пайрем. А ты гана ме шке мастарлыкнам профессионал-влак ончылно ончыктенна. Тидыже кок пачаш шерге. КВН-команде-влак коклаште почеш кодын огынал. Шонен пыштымынам чыла шуктенна.

Тений фестиваль Россий да йот элла гыч 350 утла командым поген. Репетиций жапыште тӱрлӧ йылмым колаш оҥай ыле, – палемден командын администраторжо Ксения Примечаева.

«НВПМЧ» лӱмжӧ мом ончыкта йодышемлан ӱдыр тыге вашештыш:

Умылаш лийдыме буква-влак шукыштлан тушто гай чучыт. А ӱдыр ушемлан тидыже поснак оҥай. Но мыскарана-влакым ик рвезе, Антон, сӧрастара. Тудо мемнан коклашке эре «нержым шӱшкеш» да кузе гынат мешаяш тырша. Тудланак кӧра лӱмна кужунжо тыге лиеш: «Не ваши проблемы, молодой человек».

О.МОШКИНА

Опубликовать в Одноклассники

Добавить комментарий