«МАРИЙ ЭЛ» ТАЧЕ УВЕР ЙОГЫН

Могай сӧралын койын шинча!

Кечышот-2023

Могай сӧралын койын шинча!

Республикнан рӱдолаштыже пытартыш лучко ийыште чоҥымо объектлам шарналтыза:  «Марий Эл» ий полат, «Йошкар-Ола» вӱд полат, «Дружба» стадионышто коньки дене мунчалтыме вер да теннис корт, Калыкле художественный галерей, Марий Эл прокуратурын зданийже, Марий Эл МВД ден МЧС госпиталь, республикысе клинический больницын паталогий-анатомий корпусшо, Изи Какшан серысе бизнес-инкубатор, шуко функциян «Мои документы» рӱдер, творческий ушем-влакын пӧртышт… Чыла тидым нӧлтымашке Ю.Л.Васенёвын вуйлатыме «Медведево ПМК» ООО кугу надырым пыштен. Изи Какшан серысе пытартыш кугу объектше – Я.Эшпай лӱмеш Марий кугыжаныш филармоний. Могай сӧралын койын шинча! Тудым шкешотан архитектур памятник семын ончаш лиеш. Илен-толын, тыгак аклаш тӱҥалыт докан. Зданийым кодшо ийын пашалан шуктымо.

Але Меведево районысо объектлам налаш. Ипподром, посёлкысо рӱдӧ стадион, мужыраҥме полат, район администрацийын образований да самырык-влакын пашашт шотышто отделжын администраций зданийже… Ӱмаште район рӱдысӧ Киров уремыште 825 веран у кыдалаш школым пашаш колтымо. Кажныже кумылым савыра.

Моло районыштат тудын пашажым аклен шуктеныт. Юрино посёлкышто физикультур дене тазаҥдыме комплекс, Козьмодемьянскыште сменыште 300 еҥым вашлийын кертше поликлинике, Килемарыште Илья Пророк черке… Пытартышыжым кодшо ийын мучашлыме.

Ужыда, кажне ийын тудо у деч у да ойыртемалтше объектлаж дене куандара. Республикыште веле огыл, ӧрдыжтат. А Йошкар-Ола нергенже ойлыманат огыл. «Фестивальный» микрорайонысо Касвел уремыште шуко пачеран кок илыме пӧрт гыч иктыжым тений илаш пураш шуктымо гын, весыштыже пырдыж нӧлталтеш. Чоҥышо-влак кужун огыт шуйкале, писын ышташ тунемыныт да, мутат уке, сайын. Тидым нуно кажне объектышт дене пеҥгыдемдат.

Юрий ИСАКОВ

Снимкылаште: директор Ю.Васенёв; Марий кугыжаныш филармоний.

Авторын фотожо

Опубликовать в Одноклассники

Добавить комментарий