Юрино район Марьино кыдалаш школышто биологийым туныктышо Валентина Дружинина Российын чыла регионлаж гыч талантан йоча-влакын моштымашыштым вияҥдыше «Сириус» тунемме рӱдерын курсышкыжо конкурс отборым эртен.
Тушто тений 15 январьыште «Школысо биологий курсышто кызытсе биомедицине: теорий да практике» лӱман квалификацийым нӧлтымо программе стартым налын. Валентина Дружинина
конкурсын чыла заданийжым сайын шуктен, тыге тудлан шинчымашым келгемдаш йӧным ыштеныт. Марий Эл гыч туныктышо дене пырля тушто Российын тӱрлӧ регионжо гыч 50 утла педагог квалификацийым нӧлта.
Курс биомедицине наукын кызытсе сеҥымашыже да школышто туныктымо биологийыште тудын верже дене палдара.
Г.Кожевникова
Фотом Марий Эл Образований да науко министерствын сайтше гыч налме
