Республикысе йоча клинический эмлымверысе оперблокын кугурак операционный медшӱжарже Оксана Порошина «Объективыште профессий» всероссийский фотоконкурсышто I-ше верыш лектын.
Россий медшӱжар-влакын ассоциацийыштын увертарыме конкурсын регионысо йыжыҥышкыже республикысе 14 медицине организаций гыч 45 пашам колтымо. Оксана Порошина «Профессийын секретшым почына» номинацийыште сеҥен.
Г.Кожевникова
Фотом Марий Элын Тазалык аралтыш министерствыжын соцкылысе лаштыкше гыч налме.
