ОБРАЗОВАНИЙ ШКОЛ ЙОЛГОРНО

«Ме жап дене тӧр ошкылына»

 18-19 февральыште Бауман лицейын 4-5 класслашкыже коштшо-влак программирований дене «Программный кот» всероссийский онлайн-олимпиадыш ушненыт. Тудыжо тунемме верыште ӱмаште сентябрьыште почылтшо «Кванториумышто» эртен.

Мини-хакатонын программыже организатор-влакланат, тунемше-шамычланат келшен. «Бауман лицйыштына тудо икымше гана эртаралтын. Мутат уке, тиде моткоч сай!  Конешне, тургыжланенна, но иктым каласен кертам: ме жап дене тӧр ошкылына. Участник-влак scratch-мультфильмым, анимироватлыме историйым але модышым ыштеныт. Тидын деч посна йӧратыме олашт мучко экскурсийым эртареныт, йӧратыме верыштым ончыктеныт». Да удан огыл: «Мультфильм. 7-10 ий» номинацийыште лицейын тунемшыже Буаб Риад сеҥышыш лектын, а тудын конкурентше Российын тӱрлӧ кундемлаж гыч 151 еҥ лийын. Тиде номинаций денак кокымшо верым Арсений Капитонов сеҥен налын. «Мультфильм. 11+» номинацийыште визымше верыш Екатерина Малова лектын, 22-шышто – Егор Чернов, 23-што – Дмитрий Пакырбаев.

                                                                                                                                          Г.Кожевникова

 

Опубликовать в Одноклассники

Добавить комментарий